आनंद उवाच............
रसाळ ते जगणे, जिंदगी ही आगळी
पण गतआयुष्याच्या चित्रपटाची ती बातच वेगळी
व्यवहारातुन येती हर्षाची उडत पाखरे
पण अल्लड बागडण्याची ती बातच वेगळी
विवंचनांचे गाडे भरुनी येती असंख्य राती
पण त्या परीक्षाजागरांची ती बातच वेगळी
स्वप्नांचे इमले काही गमले बरेचसे भंगले
पण त्या पहिल्या होकाराची ती बातच वेगळी
आता आयुष्य हे कसेही जगु वा कंठु
पण जिवलगात गुंतुन जाणे , ती बातच वेगळी
