माया

आनंद उवाच.............

माया - एकच शब्द असे हा खुप आगळा,

यात न अडकलेला असे एखादाच वेगळा,

कधी असतो हा विविध रंगाढंगाचा बाजार,

कधी असतो हा कमजोर मनाचा गंभीर आजार,

मन भिडणारा कधी स्पर्श हा हळव्या ममतेचा,

कधी घेई जीव, हुंकार पाषाणहृदयी स्वार्थाचा,

कधी असतो "सुंदरम" चा निरागस मोह,

कधी होऊन जातो विकारांचा कर्दमडोह,

मोक्षाची आस कधी , तर कधी सुखाची अभिलाषा,

कधी कधी फक्त उरते ती "अर्था" ची परिभाषा,

अगम्यसे कूट असे ही अनादि अनंत निसर्गाची किमया,

बांधुन ठेवी मनुजास मोहाशी कायम , अशी ही माया,

अशी ही माया...............................