आनंद उवाच.............................
तुझ्यासवेचे ते क्षण
तुझ्यावाचुन ते क्षण
जगण्याची दोन्ही टोके
अधांतरी मी क्षणोंक्षण
तव विरहाचे ते क्षण,
तव मीलनाचे ते क्षण
वाट दुर हरवली ती
कसे वेचु मी क्षणोंक्षण
तुज आठवांचे ते क्षण
सजल नयनांचे ते क्षण
आठवणींचा पाउस हळवा
चिंब भिजलो मी क्षणोंक्षण
तुझ्या ओढीचे ते क्षण
तुज समर्पित ते क्षण
विरून गेले आयुष्य सारे
आता तुझाच मी क्षणोंक्षण
No comments:
Post a Comment