सोनपरीचा बाप

आनंद उवाच..................

चुकुन प्रेमात पडुन असाच
असा कसा भिजुन गेलो?
अडकुन या लग्नाच्या बेडीत
नकळत कसा विझुन गेलो!!!!!

पुर्वी जगणे हा छंद होता,
स्वप्नांना कसला धरबंध नव्हता,
स्वप्न कसले, कसले सत्य आता
जगण्याच्या क्लेशात थिजुन गेलो

नाही स्वार्थ परमार्थांची सांगड
कटकट नाही, नाही भानगड
अनंत गुंते, गहाळ उलगड,
संसारास्तव वैराग्याला त्यजुन गेलो

परतीचा मार्ग हरवुन गेला
नक्षत्राचे देणे मात्र देउन गेला
नवे सोनेरी विश्व ठेउन गेला,
सोनपरीचा बाप म्हणुनी सजुन गेलो